نصائح للمطبخ هتعجبكم جدااااااا

لكل ربة منزل وفتاة غير خبيرة بأمور المطبخ، إليك بعض الحيل والنصائح التي ستعطيك مزيدا من المهارة أثناء إعداد وصفات الطعام ، وتنظيف وترتيب مطبخك مما يوفر عليك المجهود والعناء لذلك سنقدم لك في هذا المقال نصائح للمطبخ هتعجبكم و مهمة جدا ومفيدة.

 نصائح للمطبخ هتعجبكم جداااااااا

_ تبلي دقيق السمك بملح وفلفل وكمون وشطة ونشا وبيكنج بودر وقبل القلي غطسيه في ميه بسرعه عشان يطلع دهبى ومقرمش

_ العيش الفينو البايت سندوتشات شيلي القلب واقطعي الحروف وحمصيهم واطحنيهم ضيفي عليهم توم بودر وبصل بودر وبابريكا وملح وفلفل ونشا وبيكنج بودر واستعمليه للبانيه والفراخ المقرمشة

_ الباذنجان المخلل ضيفي نعناع ناشف مع التوم بيدى طعم جميل

_ البشاميل ضيفي جبنه مثلثات او كريمي وقشطة وجبن رومي مبشورة وعلي الوش موتزريلا عشان يخلى المكرونة تطلع حلوة جدا

_ الملوخيه ملعقة سكرصغيرة و ملعقة صلصة صغيرة بتخليها مسكرة وزى العسل

اقرأ أيضاً :

نصائح مذهلة للمطبخ ومدهشة

_ ملعقة سكر صغيرة لصلصة المكرونة عشان متعملش حموضة

_ قشر الليمون في زيت قلي السمك

_ نقع البانيه في لبن أو زبادي قبل التتبيلة بيكون حلو ومتشرب من اللبن او الزبادي

_ الشاورما اللحمة ضيفي لها قطعة ليه ضانى بتدى ريحة وطعم جميل

_ البطاطس قبل ماتحمريها اسلقيها عشر دقائق في ميه وملح بتقرمش ومش بتشرب زيت

_ قشر الليمون لا ترميه خليه عالحوض بعد ماتغسلي المواعين ادعكي بيه ايديك بيشيل السمار من صابون المواعين وبينعم الايد

_ رشة لبن بودرة علي وش البشاميل هتدى لون حلو للمكرونة

_ محشي الكرنب سخني حته زبدة وقشطة وحطيه عليه قبل ما يستوي عشان يبقى بيلمع وطعمة جميل

_ من نصائح للمطبخ هتعجبكم جدااااا يجب وضع ملعقة خل في الكيك بتخليها هشة وطرية

_ عسل في تتبيلة الفراخ المشوية بتدى طعم حلو و الزبادي في تتبيلة البانيه بيخلية طرى ومستوى كويس

_ ملعقة بيكنج بودر في شوربة اللي هتسقي بيها الرقاق باللحمه هيبقي مقرمش ومورق

_ ادعكي الفراخ ببصلة وملح وفلفل قبل السلق عشان يبقى ليها طعم وريحة ومتبقاش زفرة

_ لما تشربي القهوة مترميش التفل ده سكرب هائل لبشرتك ادعكى بية وشك وايدك

_ اكياس الشاي مترميهاش سقعيها وحطيها علي عينك للاجهاد والهالات السودا

_ الارز باللبن ضيفي كيس كريم شانتيه هيخلى الطعم جامد وزى بتاع برة بالظبط

_ والبسبوسة لازم عسل ابيض او عسل تقيل في العجن عشان تكون زى الجاهزة واحلى كمان

_ رشي دقيق علي بصل الكشري قبل التحميرعشان يكون مقرمش

_ سفن اب او ميرندا الكيك بيخليها هشة وجميلة

_ رشة زعتر علي صلصة المكرونة بتدى ريحة حلو وطعم مميز

_ بيكنج بودر علي عجينة الكفته المشوية ميخلهاش تكش وتكون منفوشة زى ما هى

_ ملعقة بن وملعقة سكر لخلطة المحشي وابشري الطماطم متعصريهاش في الخلاط لو بتحبية نى فى نى مش متسبك بيخلى طعمة جميل

_ تشوح اللحم في الزبد وحبهان وورق لورا قبل السلق نديها صدمة عشان يبقى لونة بنى وجميل مش بيضة

_ الارز الابيض شوحي مستكة وحبهان في السمن قبل الرز هيدى ريحة حلوة للارز

_لاحلي صلصة مكرونة اضربي مع الطماطم توم وفلفل رومي احمر وفلفل حامي

_ إدهني الفراخ والبط بكاتشب وملح وفلفل وقرفة قبل ما تحطيها فى الفرن هيخليها لونها حلو

_الحمام المحشي 30 دقيقة بعد غلي الميه لسلقة و الممبار 45 دقيقة لسلقة و الفراخ المحشية ساعة وربع

_ حشو الجلاش موتزريلا مع العصاج

_ الارز البسمتي اكشفي الغطا بعد ما يستوي عشان يبقى مفلفل ميعجنش

_ وانتي بتقلي البانيه حطي ملعقة زبدة مع الزيت هيبقي زي المطاعم