الفروتة المسكرة أو الفواكة المجففة من قشر البطيخ هنعمل الفروتة المسكرة بطريقة سهلة جدا من قشر البطيخ بطريقة سهلة جدا وبالصور كما يمكنك متابعة المزيد من الوصفات عبر موقع food2mins
طريقة عمل الفروتة المسكرة او الفواكه المجففة
المقادير :
- قشر البطيخ
- نص كوب سكر
- عصير ليمونة
- ملعقة كبيرة من الجلوكوز
- فانيليا
- جل الوان أو الوان بودرة
أقرأ أيضا:
طريقة التحضير :
هنعمل الفروتة المسكرة بطريقة سهلة جدا من قشر البطيخ بطريقة سهلة جدا.
اولا نبدا في تقطيع البطيخ عادي جدا زي العادة ونبدا في تقطيع قشر البطيخ الي قطع مربعات صغيرة ( إللى هى الحته البيضا) بعد ما نشيل القشره الخضرا لغايه ما تخلصى البطيخه كلها تقطيع.
نضعه على النار يتسلق في اناء غويط لمدة ربع ساعة لغايه لما القطع الصغيره المتقطعه تلاقيها استوت اضغطى على قطعه بايدك لو استوت يبقى تمام
بعد ذلك نقوم بتصفيتها من المياة جيدا.
بعد ذلك في حله على النار نضع لكل كوب قطع بطيخ نص كوب سكر مع عصير لمونه واحده للكميه كلها مع معلقه كبيره من الجلوكوز بييجى من عند مستلزمات الحلوانى للكميه كلها مع شويه فانيليا لغايه لما تنشف خااااااالص مع التقليب المستمر.
بعد ذلك هنحضر ألوان جل او الوان بودر حاجه واحده بس من الاتنين من عند مستلزمات الحلوانى العلبه ب5 جنيه البودر والعلبه الجل ب 10 جنيه يدوب حبه لون صغيرين على نقطه مياة.
وقسمى قطع البطيخ على الالوان الموجوده عندك و حطيهم فى صنيه وسبيهم يومين فى الشمس او على ترابيزه السفرة علشان ينشفوا اكتر.
((من بطختين عملت كيلو فروته مسكرة))
وطعمها فى منتهى الجمال واتفرجو على الصور هتفهموا اكتر وافتحوا الصور للآخر وقبل ما تحطيه على الكيكه عفريه بالدقيق علشان ميسقطش منك فى قعر الصنية.
أقرأ أيضا:
- أحسن انواع الصوص الجاهز للحلويات 2021
- حلويات العيد وطريقة عملها خطوة بخطوة
- 9 أنواع من صوص الحلويات لكل أنواع الحشوات والزينة