غسالة الاطباق من الاجهزة المهمة جدا في هذا العصر الحديث وانتشرت في الاونة الاخيرة طريقة استعمالها وكان هناك جدلا كبيييرا حول غسالة الاطباق وطرق استعمال المسحوق ورص الاطباق والاواني في الغسالة وكيفية تنظيفها وهكذا لذلك سنقدم لكم خمسة معلومات خاطئة عن غسالة الاطباق
5 معلومات خاطئة عن غسالة الاطباق
1- هل لازم اشطف الاطباق والحلل قبل ما احطها فى الغسالة ؟
دا مش لازم نهائي المشكله مش في الاطباق الوسخه المشكله بتكون فى البواقي لان الفلتر مش بينزلها فى الصرف وبترجع تانى على الاطباق فلو انت كشخص اصلا بينظف البواقي وهو بيشيل الاطباق من على السفره فانت كدا في السليم.
اما لو شخص اوقات الاولاد هم اللى بيشيلوا مكانهم وبالتالى بيرموا فى الحوض على طول فى حلين
حل انك تشيلي بواقي الاكل باي وسيله وما اكثرها
او تحطيهم زى ماهم وتشغلي برنامج الشطف ودا لا بيستهلك مسحوق او كهربا مجرد مايه بس وتفتحى تشيلي الفلتر وتنظفيه من البواقي وخلاص شغلى غسالتك عادى
2- هل بتجرح وتبوظ الحلل والتيفال ؟
الحقيقه اللى بيجرحهم استخدامنا احنا لما تشغلى على حل تيفال اقوى برنامج حراره مع قوه دفع الحبيبات سواء مسحوق او اقراص مع الحراره كانك بتستعملى معلقه معدن بالظبط والحلل دى مش بتحتاج اصلا درجه حراره عاليه كدا
حطيهم على اقل درجه حرارة وو لا مره حله هتجرح منك او هتلزق الاكل
3- هل مش لازم ملح ؟
لازم لازم لازم ملح المايه عندنا مش بناخدها من النيل مباشر بتمر على محطات مايه وبيكون فيها معادن وكلور بالهبل ودا بيبان فى غلاية الشاي التكلسات دى لا بتخلى الحاجه تنظف ولا بتخلى الغساله كويسه على المدى الطويل انا بحط ملح مع الاقراص بس استهلاكه بيكون ضعيف جدا جدا لو بستخدمه مع مسحوق
اقرأ أيضا:
كل ما يجب معرفته عن غسالة أطباق أريستون من مميزات وعيوب
4- هل القرص مش بيتقسم و الشركات عارفه هى عامله ايه ؟
همشي معاكم ان الشركات فاهمه بتعمل ايه طيب ليه معملتش قرص بحجم كل غساله؟؟
يعنى عايزين تقولولى ان نفس استهلاك غساله الفوريره اللى فوق الرخامه هتكون هى هى نفس استخدام قرص لغساله 16 فرد؟؟
دا منطقي يعنى!
5- دوره الخل هل ليها لازمة ؟
جربتوا تقروا الكتالوج طيب
خايفين من الخل بلاها خل.. اقراص بلاتنيوم او منظف الغساله بدل الخل.. بس تنظيف الغساله مهم جدا جدا جدا… مش مهم الطريقه المهم النتيجه
طريقه دوره الخل
دوره الخل هو تشغيل الغساله فارغه على اعلى درجه حراره ووضع كوب خل داخلها.
